Нотный архив | П.Г. ЧЕСНОКОВ | ПЕСНОПЕНИЯ ИЗ ОТПЕВАНИЯ МИРЯН

П.Г. ЧЕСНОКОВ
ЛИТУРГИЯ СВ. ИОАННА ЗЛАТОУСТА,
Оp. 42

Хоровая партитура

Нотный архив Бориса Тараканова теперь доступен на CDROM с доставкой в любую точку России!
Форма заказа »

П. Чесноков, Песнопения из отпевания мирян (ВНИМАНИЕ! Многотомные TIFF-файлы)

Содержание, 2 стр., 208Kb.
Начало Отпевания, 4 стр., 200Kb.
Аминь. Благословен еси, Господи, научи мя оправданием Твоим. Аллилуйя. Блажени непорочнии в путь ходящий в законе Господни. Аллилуйя. Слава Отцу и Сыну и Святому Духу, и ныне и присно и во веки веков, аминь. Аллилуйя. Заповеди Твоя, помилуй раба Твоего. Руце Твои сотвористе мя и создаете мя, вразуми мя и научуся заповедей Твоим. Помилуй раба Твоего. Слава Отцу и Сыну и Святому Духу, и ныне и присно и во веки веков, аминь. Помилуй раба Твоего. Имя Твое. Аллилуйя. Призри на мя и помилуй мя, по суду любящих имя Твое. Аллилуйя.

"Покой, Спасе наш" и "От Девы возсиявый", 4 стр., 200Kb.
Покой, Спасе наш, с праведными раба Твоего, и сего всели во дворы Твоя, яко же есть писано, презирая, яко благ, прегрешения его вольная и невольная, и вся яже в ведении и неведении, Человеколюбче. От Девы возсиявый миру, Христе Боже. Сыне, света Тою показавый, помилуй нас.

"Сам един...", 3 стр., 159Kb.
Сам един еси безсмертный, сотворивый и создавый человека, земнии убо от земли создахомся, и в землю туюжде пойдем, яко же повелел еси, создавый мя и рекий ми: яко земля еси и в землю отидеши: амо же вси человецы пойдем, надгробное рыдание, творяще песнь: Аллилуйя, аллилуйя, аллилуйя, аллилуйя.

"Плачу и рыдаю...", 4 стр., 201Kb. (Заупокойный причастен)
Плачу и рыдаю, егда помышляю смерть, и вижду во гробех лежащую по образу Божию созданную нашу красоту, безобразну, безславну, не имущую вида. О чудесе! Что сие еже о нас бысть таинство: како предахомся тлению; како сопрягохомся смерти; во истинну Бога повелением, яко же писано есть, подающаго преставльшемуся упокоение.

"Зряще мя безгласна..." (На шестый глас), 4 стр., 201Kb.
"Молитвами рождшия", 2 стр., 229Kb.
Молитвами рождшия Тя, Христе, предтечи Твоего, апостолов, пророков, иерархов, преподобных, и праведных, и всех святых, упокой, Христе, усопшаго раба Твоего.
"Бог Господь", воскресные тропари 8-ми гласов:

Глас первый, 3 стр., 173Kb.
Бог Господь и явися нам, благословен грядый во имя Господне. Камени запечатану от иудей и воином стрегущим пречистое тело Твое, воскресл еси тридневный Спасе, даруяй мирови жизнь. Сего ради силы небесныя вопияху Ти, Жизно-давче: слава воскресению Твоему, Христе: слава царствию Твоему: слава смотрению Твоему, едине Человеколюбие.

Глас вторый, 3 стр., 167Kb.
Бог Господь и явися нам, благословен грядый во имя Господне. Егда снизшел еси к смерти животе безсмертный, тогда ад умертвил еси блистанием Божества: егда же и умершия от преисподних воскресил еси, вся силы небесныя взываху: Жизнодавче Христе Боже наш, слава Тебе.

Глас третий, 2 стр., 94Kb.
Бог Господь и явися нам, благословен грядый во имя Господне. Да веселятся небесная, да радуются земная: яко сотвори державу мышцею своею Господь, попра смертию смерть, Первенец мертвых бысть, из чрева адова избави нас, и подаде мирови велию милость.

Глас четвертый, 2 стр., 107Kb.
Бог Господь и явися нам, благословен грядый во имя Господне. Светлую воскресения проповедь от Ангела уведевше Господни ученицы и прадеднее осуждение отвергша, Апостолом хвалящася гла-голаху: испровержеся смерть, воскресе Христос Бог, даруяй мирови велию милость.

Глас пятый, 2 стр., 114Kb.
Бог Господь и явися нам, благословен грядый во имя Господне. Собезначальное Слово Отцу и Духови, от Девы рождшееся на спасение наше, воспоим вернии и поклонимся: яко благоволи плотию взыти на крест, и смерть претерпети, и воскресити умершия славным воскресением своим.

Глас шестый, 2 стр., 100Kb.
Бог Господь и явися нам, благословен грядый во имя Господне. Ангельския силы на гробе Твоем, и стрегущии омертвеша: и стояше Мария во гробе, ищущи пречистаго тела Твоего, пленил еси ад, не искусився от него: сретил еси Деву даруяй живот. Воскресый из мертвых, Господи, слава Тебе.

Глас седьмый, 2 стр., 67Kb.
Бог Господь и явися нам, благословен грядый во имя Господне. Разрушил еси крестом Твоим смерть, отверзл еси разбойнику рай, Мироносицам плачь преложил еси и Апостолом пропове-дати повелел еси, яко воскресл еси Христе Боже, даруяй мирови велию милость.

Глас осьмый, 2 стр., 126Kb.
Бог Господь и явися нам, благословен грядый во имя Господне. С высоты снизшел еси благо-утробне, погребение приял еси тридневное, да нас свободиши страстей, животе, и воскресение наше, Господи, слава Тебе.

[вернуться]